ആലപ്പുഴ: ആലപ്പുഴ മാരാരിക്കുളത്ത് മകളെ അച്ഛൻ തോർത്ത് ഉപയോഗിച്ച് കഴുത്തു ഞെരിച്ചു കൊലപ്പെടുത്തിയത് അമ്മയുടെയും മറ്റ് കുടുംബാംഗങ്ങളുടെയും മുൻപിൽ വച്ചെന്ന് വിവരം. ഹാളില് വച്ച് ഭാര്യയുടേയും മാതാപിതാക്കളുടേയും മുന്നില് വച്ചാണ് ജാസ്മിന്റെ കഴുത്ത് ഞെരിച്ചത്. പേടിച്ച കുടുംബം വിവരം പുറത്ത് പറയാതെ സാധാരണ മരണമായി ചിത്രീകരിക്കാൻ ശ്രമിക്കുകയായിരുന്നുവെന്നും പൊലീസ് ചൂണ്ടിക്കാട്ടി.
ഫ്രാന്സിസിന്റെ പിതാവ് സേവ്യറും, മാതാവ് സൂസിയും, ഭാര്യ സിന്ധുവും സംഭവസമയത്ത് വീട്ടിലുണ്ടായിരുന്നു. ജാസ്മിന് അബോധാവസ്ഥയില് ആയ ശേഷം ഇയാള് വീട്ടുകാരോട് മാറാന് ആവശ്യപ്പെട്ടു. തുടര്ന്ന് കഴുത്തില് തോര്ത്ത് കുരുക്കി മരണം ഉറപ്പാക്കുകയായിരുന്നു. ശേഷം ആത്മഹത്യയെന്ന് വരുത്താന് മൃതദേഹം കിടപ്പു മുറിയിലെ കട്ടിലില് കിടത്തി.
മകളായ ഏയ്ഞ്ചല് ജാസ്മിന് ഭര്ത്താവുമായി അകന്ന് താമസിക്കുകയായിരുന്നു. ജോസ്മോനും മകള് ജാസ്മിനും തമ്മില് തര്ക്കമുണ്ടായത് വീട്ടില് വൈകിയെത്തിയതിനെ തുടര്ന്നെന്നാണ് കണ്ടെത്തല്. നാട്ടുകാരിൽ ചിലർ എയ്ഞ്ചലിന്റെ രാത്രിയാത്ര ശരിയല്ലെന്ന മട്ടിൽ ഫ്രാൻസിസിനോട് പറയുകയും ചെയ്തിട്ടുണ്ടെന്നാണ് വിവരം.
രാത്രി സ്കൂട്ടറുമായി പുറത്തു പോകാറുള്ള എയ്ഞ്ചൽ ചൊവ്വാഴ്ച രാത്രി 9ന് പുറത്തു പോയി പത്തരയോടെയാണ് തിരിച്ചെത്തിയത്. ഇതിനെതുടർന്ന് ജോസ്മോൻ ജാസ്മിനെ ശകാരിക്കുകയും തുടർന്ന് വാക്കേറ്റത്തിലും കയ്യാങ്കളിയിലേക്കും മാറുകയുമായിരുന്നു.
