തൃശ്ശൂർ: ഗർഭിണിയായ യുവതി ഭർതൃവീട്ടിൽ മരിച്ച നിലയിൽ കണ്ടെത്തി. തൃശ്ശൂർ ഇരിങ്ങാലക്കുടയിലാണ് സംഭവം. കാരുമാത്ര സ്വദേശിനി ഫസീല (23) ആണ് മരിച്ചത്. ഭർത്താവ് നൗഫലിനെ പൊലീസ് കസ്റ്റഡിയിൽ എടുത്തു. ഭർതൃപീഡനത്തെ തുടർന്നാണ് യുവതി ജീവനൊടുക്കിയതെന്നാണ് വിവരം.
ഇന്നലെ ഭർതൃവീട്ടിലെ ടെറസിലാണ് യുവതിയെ തൂങ്ങിമരിച്ച നിലയിൽ കണ്ടെത്തിയത്. മരിക്കുന്നതിന് മുമ്പ് യുവതി തനിക്ക് ഏറ്റ ക്രൂര പീഡനത്തെ കുറിച്ച് മാതാവിനോട് പറഞ്ഞിരുന്നു. വാട്സാപ്പ് സന്ദേശം വഴിയാണ് യുവതി ഇക്കാര്യങ്ങൾ പങ്കുവച്ചത്. അതിനു ശേഷമാണ് യുവതി ജീവനൊടുക്കിയത്.
ഒരുപാട് നാളായി ഭർത്താവ് ദേഹോപദ്രവം ചെയ്യുന്നുണ്ടെന്ന് യുവതി ഉമ്മയ്ക്ക് വാട്സ്അപ് സന്ദേശം അയച്ചിരുന്നു. നൗഫല് തന്റെ വയറ്റിൽ കുറേ ചവിട്ടി. ഇവിടത്തെ ഉമ്മ തന്നെ തെറിവിളിച്ചു. ഉമ്മ താൻ മരിക്കുകയാണ്. തന്നെ അല്ലെങ്കിൽ ഇവർ കൊല്ലും എന്നൊക്കെയാണ് യുവതി സന്ദേശത്തിൽ പറഞ്ഞിരുന്നത്.
