തിരുവനന്തപുരം: തിരുവനന്തപുരം അമ്പൂരിയിൽ പുള്ളിപ്പുലി കുടുങ്ങി. അമ്പൂരി കാരിക്കുഴിയിലാണ് സംഭവം. ഇന്ന് രാവിലെയാണ് പിയൂലിയെ കണ്ടത്.
ടാപ്പിംഗ് തൊഴിലാളിയായ ഷൈജു ആണ് ടാപ്പിങ്ങിനിടയിൽ പുലിയെ കണ്ടത്. തുടർന്ന് പുലി ഷൈജുവിനെ ആക്രമിക്കാൻ ശ്രമിച്ചു.എന്നാൽ ഷൈജു നിലവിളിക്കാൻ ആരംഭിച്ചതോടെ ഷൈജുവിനെ ആക്രമിക്കാതെ നാട്ടുകാരിൽ ഒരാളായ സുരേഷിനെ ആക്രമിക്കാൻ ശ്രമിക്കുകയായിരുന്നു.
പാറ ഇടുക്കിനോട് ചേർന്ന് വലയിൽ കുടുങ്ങിയ നിലയിലാണ് പുലി കിടക്കുന്നതെന്ന് വനപാലകർ വ്യക്തമാക്കി. മയക്കുവെടിവെച്ച് പുലിയെ പിടികൂടാനാണ് ശ്രമം. ഫോറസ്റ്റ് വെറ്റിനറി ഡോക്ടർ അരുണിന്റെ നേതൃത്വത്തിൽ പുലിയെ രണ്ടു തവണ മയക്കുവെടി വെക്കാൻ ശ്രമിച്ചിരുന്നു. എന്നാൽ പുലി അക്രമാസക്തനാകുകയും വല ഭേദിച്ച് കാട്ടിലേക്ക് മറയുകയുമായിരുന്നു.
തുടർന്ന് വനപാലകർ വീണ്ടും നടത്തിയ അന്വേഷണത്തിലാണ് വീണ്ടും പുലിയെ കണ്ടെത്താനായത്. തൊട്ടടുത്തുള്ള താഴ്ന്ന പ്രദേശത്താണ് പുലിയെ കണ്ടെത്തിയത്.
