തിരുവനന്തപുരം: തിരുവനന്തപുരം കിളിമാനൂരില് വ്യാപാര സ്ഥാപനത്തിന് തീപിടിച്ചു. കിളിമാനൂര് ടൗണിലുള്ള പൊന്നൂസ് ഫാന്സി സ്റ്റോറിലാണ് തീപിടുത്തം ഉണ്ടായത്. ഇന്നലെ രാത്രി 12 മണിയോടെയാണ് തീപിടുത്തമുണ്ടായത്. ഷോര്ട്ട് സര്ക്യൂട്ടാണ് അപകടത്തിന് കാരണമായതെന്നാണ് പ്രാഥമിക നിഗമനം.
കെട്ടിടത്തിന് സമീപമുള്ള ബാങ്കിലെ സെക്യൂരിറ്റിയാണ് കടയ്ക്കുള്ളില് നിന്നും പുക ഉയരുന്നത് ആദ്യം കണ്ടത്. ഉടൻ തന്നെ പോലീസിനെയും ഫയർഫോഴ്സിനെയും വിവരമറിയിക്കുകയായിരുന്നു.
ഫാന്സി സ്റ്റോറിന്റെ പുറകുവശത്തെ ഗോഡൗണിലാണ് ആദ്യം തീ പിടിച്ചത്. അപകടത്തിൽ കട പൂർണമായും കത്തി നശിച്ചു. തീപിടുത്തതില് 25 ലക്ഷം രൂപയുടെ നഷ്ടം സംഭവിച്ചതായായി കടയുടമ പറഞ്ഞു.
Share This Post
