തുമ്പ: തുമ്പ സെൻ്റ് സേവ്യേഴ്സ് കോളേജും ശ്രീനാരായണഗുരു ഓപ്പൺ യൂണിവേഴ്സിറ്റിയും തമ്മിൽ ധാരണാപത്രം ഒപ്പുവെച്ചു. വൈസ് ചാൻസലർ പ്രൊഫ. ഡോ. ജഗതി രാജ് വി. പി. യുടെ സാന്നിധ്യത്തിൽ, രജിസ്ട്രാർ പ്രൊഫ. ഡോ. സുനിത പിയും കോളേജ് പ്രിൻസിപ്പൽ പ്രൊഫ. ഡോ. തോമസ് സ്കറിയയുമാണ് ധാരണാപത്രത്തിൽ ഒപ്പുവച്ചത്.
സിൻഡിക്കേറ്റ് അംഗം എം. ജയപ്രകാശ്, അക്കാദമിക് ഡയറക്ടർ, ഡോ ഫാ. ഷിബു ജോസഫ്, കോർഡിനേറ്റർ ഡോ. ഫാ. ഡൊമിനിക് ജോസഫ്, എന്നിവർ സന്നിഹിതരായിരുന്നു.
യൂണിവേഴ്സിറ്റിയുടെ ഒരു ലേണർ സപ്പോർട്ട് സെൻ്റർ എന്ന നിലയിൽ BA ഇംഗ്ലീഷ്, മലയാളം, ഹിസ്റ്ററി, സോഷ്യോളജി, പോളിറ്റിക്കൽ സയൻസ്, ബി. കോം എന്ന വിഷയങ്ങളിലും MA ഇംഗ്ലീഷ്, മലയാളം, പോളിറ്റിക്കൽ സയൻസ്, സോഷ്യോളജി, ഹിസ്റ്ററി, ഇക്കണോമിക്സ്, പബ്ലിക് അഡ്മിനിസ്ട്രേഷൻ, എം. കോം എന്ന കോഴ്സുകളിലും ഉപരിപഠനത്തിന് സെൻററിൽ അവസരമുണ്ട്.
അടിസ്ഥാന യോഗ്യതയുള്ള ആർക്കും പ്രായഭേദമെന്യേ ഉപരിപഠനത്തിന് ഈ അവസരം ഉപയോഗിക്കാം. അഡ്മിഷൻ നടപടികൾ യൂണിവേഴ്സിറ്റി ആരംഭിച്ചിട്ടുണ്ട്.
