തിരുവനന്തപുരം: തിരുവനന്തപുരത്ത് ക്ഷേത്ര കാണിക്കവഞ്ചി കുത്തി തുറക്കാൻ ശ്രമിച്ച ഇതരസംസ്ഥാനക്കാർ അറസ്റ്റിൽ. രണ്ട് ജാർഖണ്ഡ് സ്വദേശികളായ തൊഴിലാളികളെയാണ് വിഴിഞ്ഞം പോലീസ് പിടികൂടിയത്. വികാസ് മണ്ഡൽ,പുനിത് മണ്ഡൽ എന്നിവരാണ് പിടിയിലായത്.
ഉച്ചക്കട കുഴിയംവിള ശ്രീ ഭദ്രകാളി ദേവി ക്ഷേത്രത്തിൻ്റെ കാണിക്കവഞ്ചിയാണ് ഇവർ കുത്തിത്തുറക്കാൻ ശ്രമിച്ചത്. ഇന്നലെ വൈകുന്നേരം 4:30 ഓടെയാണ് സംഭവം നടന്നത്.
കാണിക്കവഞ്ചി കമ്പി കൊണ്ട് കുത്തി തുറക്കാൻ ശ്രമിക്കവേയാണ് നാട്ടുകാർ ഇവരെ പിടികൂടി പൊലീസിൽ ഏൽപ്പിച്ചത്. ഇവർക്കെതിരെ മോഷണശ്രമത്തിന് പോലീസ് കേസ് രജിസ്റ്റർ ചെയ്തു.
Share This Post
