തിരുവനന്തപുരം: തിരുവനന്തപുരത്ത് കെഎസ്ആര്ടിസി ബസും ലോറിയും കൂട്ടിയിടിച്ചു അപകടം. തിരുവനന്തപുരം മണ്ണന്തല- മരുതൂരിലാണ് സംഭവം നടന്നത്. അപകടത്തിൽ 20 ഓളം പേർക്ക് പരുക്കേറ്റു. തിരുവനന്തപുരത്തുനിന്ന് പത്തനംതിട്ടയിലേക്ക് പോകുകയായിരുന്ന ബസാണ് അപകടത്തില്പ്പെട്ടത്.
ലോറി ഡ്രൈവറുടെ നില ഗുരുതരമാണ്. ഇയാളുടെ തലയ്ക്കാണ് പരിക്കേറ്റത്. പരിക്കേറ്റവരെ തിരുവനന്തപുര മെഡിക്കൽ കോളേജ് ആശുപത്രിയിലേക്ക് മാറ്റി. അപകടത്തില്പ്പെട്ട കെഎസ്ആര്ടിസി ബസ് റോഡില് നിന്നും നീക്കം ചെയ്യാനുള്ള ശ്രമം നടക്കുന്നു.
രണ്ടു വാഹനങ്ങളുടേയും ഡ്രൈവർമാർക്ക് ഗുരുതര പരിക്കുണ്ട്. വാഹനം വെട്ടിപ്പൊളിച്ചാണ് ഡ്രൈവർമാരെ പുറത്തെടുത്തത്. ബസ് എതിരേ വന്ന ലോറിയിൽ ഇടിക്കുകയായിരുന്നു. അപകടത്തില് കെഎസ്ആര്ടിസി ബസിന്റേയും ലോറിയുടേയും മുന്ഭാഗം പൂര്ണമായി തകര്ന്നു. അപകട കാരണം എന്താണെന്ന് വ്യക്തമായിട്ടില്ല.
Share This Post
