ഡൽഹി: ടോൾ പ്ലാസകളിൽ ഫാസ്റ്റ് ടാഗില്ലാത്ത വാഹനങ്ങൾക്കുള്ള ഫീസ് ഈടാക്കുന്നതിൽ നിയമഭേദഗതിയുമായി കേന്ദ്ര ഉപരിതല ഗതാഗത മന്ത്രാലയം. ഫാസ്ടാഗില്ലാത്തവർ ഇനി യുപിഐ ഉപയോഗിച്ച് ടോൺ നൽകിയാൽ യഥാർഥ നിരക്കിന്റെ 25 ശതമാനം അധികമായി നൽകിയാൽ മതിയാകും.
പണം ആയിട്ടാണെങ്കില് ടോള് ഫീയുടെ ഇരട്ടി നല്കുന്നത് തുടരും. നവംബർ 15 ന് പുതിയ ഭേദഗതി പ്രാബല്യത്തിൽ വരും. യുപിഐ ഉപയോഗിക്കുന്നവർക്കു മാത്രമാകും ഇളവ്. നാഷണല് ഹൈവേയ്സ് ഫീ റൂള്സിലാണ് ഭേദഗതി വരുത്തിയത്.
ടോൾ പിരിവിൽ സുതാര്യത വർദ്ധിപ്പിക്കാനും യുപിഐ ഇടപാട് പ്രോത്സാഹിപ്പിക്കാനുമാണ് നടപടിയെന്ന് ഉപരിതല ഗതാഗത മന്ത്രാലയം വാര്ത്താക്കുറിപ്പിൽ അറിയിച്ചു. മുൻപ് 100 രൂപ ടോൾ നിരക്കുള്ളിടത്ത് ഫാസ്ടാഗില്ലെങ്കിൽ 200 രൂപ നൽകേണ്ടി വരുമായിരുന്നു. ഇനി യുപിഐ ഉപയോഗിച്ചാൽ 125 രൂപ അടച്ചാൽ മതിയാകുമെന്നാണ് ആശ്വാസം.
Share This Post
