തിരുവനന്തപുരം: ശബരിമല സ്വർണക്കൊള്ളയിൽ റിമാൻഡിൽ കഴിയുന്ന ഒന്നാം പ്രതി ഉണ്ണികൃഷ്ണൻ പോറ്റിയുമായി എസ്ഐടിയുടെ തെളിവെടുപ്പ്. ഉണ്ണികൃഷ്ണൻ പോറ്റിയെ ഇന്ന് പുലർച്ചെ ബെംഗളൂരുവിലേക്ക് കൊണ്ടുപോയി.
ഉണ്ണികൃഷ്ണന് പോറ്റിയെ ഉപയോഗിച്ച് ബെംഗളൂരു കേന്ദ്രീകരിച്ച് നടന്ന ഗൂഢാലോചനയാണ് സ്വര്ണക്കൊള്ളയ്ക്ക് വഴിവെച്ചതെന്നാണ് അന്വേഷണ സംഘത്തിന്റെ കണ്ടെത്തല്. ഇതിന്റെ അടിസ്ഥാനത്തിലാണ് തെളിവെടുപ്പിനായി അന്വേഷണസംഘം ബെംഗളുരുവിലേക്ക് പുറപ്പെട്ടത്.
ചെന്നൈയിലെ സ്മാർട്ട് ക്രിയേഷൻസില് എത്തിച്ചും തെളിവെടുപ്പ് നടത്തുമെന്നാണ് പുറത്തുവരുന്ന വിവരം. അതേസമയം, കേസിൽ പ്രതിപട്ടികയിലുള്ള കൂടുതൽ ദേവസ്വം ഉദ്യോഗസ്ഥരുടെ അറസ്റ്റ് ഉടന് ഉണ്ടാകും എന്നാണ് സൂചന. സ്വര്ണപ്പാളികള് പ്രദര്ശിപ്പിച്ച നടന് ജയറാമിന്റെ വീട്ടിലും തെളിവെടുപ്പിന് സാധ്യതയുണ്ട്. തെളിവെടുപ്പ് പൂര്ത്തിയായ ശേഷമായിരിക്കും മറ്റ് അറസ്റ്റുകളിലേക്ക് കടക്കുക.
