തിരുവനന്തപുരം: ശബരിമല സ്വർണ്ണക്കൊള്ളയിൽ നിര്ണായക കണ്ടെത്തല്. സ്വർണവ്യാപാരിയായ ഗോവർദ്ധനന് ഉണ്ണികൃഷ്ണൻ പോറ്റി കൈമാറിയ സ്വർണ്ണം അന്വേഷണ സംഘം കണ്ടെത്തി. ബെല്ലാരിയിൽ നിന്ന് 400 ഗ്രാമോളം സ്വർണമാണ് പ്രത്യേക അന്വേഷണ സംഘം കണ്ടെത്തിയത്.
ഉണ്ണികൃഷ്ണന് പോറ്റിയുമായുള്ള തെളിവെടുപ്പിനിടെ ബെല്ലാരിയിലെ ജ്വല്ലറിയില് നിന്നാണ് കട്ടികളുടെ രൂപത്തില് പ്രത്യേക അന്വേഷണസംഘം സ്വര്ണം കണ്ടെത്തിയത്. ഇന്നലെ വൈകുന്നേരം എസ് പി ശശിധരൻ്റെ നേതൃത്വത്തിലായിരുന്നു പരിശോധന.
ചെന്നൈയിലെ സ്മാര്ട്ട് ക്രിയേഷന്സില് നിന്ന് ബെംഗളൂരുവിലെത്തി ഇവിടെ നിന്ന് ബെല്ലാരിയില് എത്തിയാണ് സ്വര്ണം വില്പന നടത്തിയത്. സ്വര്ണം വിറ്റതായി ഉണ്ണികൃഷ്ണന് പോറ്റിയും വാങ്ങിയതായി ഗോവര്ധനും സമ്മതിച്ചിരുന്നു. ബെല്ലാരിയിലെ റോദ്ദം ജ്വല്ലറി ഉടമയാണ് ഗോവര്ധന്. ഉണ്ണികൃഷ്ണൻ പോറ്റിയുടെ പുളിമാത്ത് വീട്ടിൽ നിന്നും സ്വർണനാണയങ്ങളും 2 ലക്ഷത്തോളം രൂപയും കണ്ടെടുത്തിട്ടുണ്ട്.
Share This Post
