തിരുവനന്തപുരം: തിരുവനന്തപുരം ആമയിഴഞ്ചാൻ തോട്ടിൽ വീണയാളെ ഫയർഫോഴ്സ് സംഘം രക്ഷപ്പെടുത്തി. വഴുതക്കാട് വിഘ്നേഷ് നഗർ സ്വദേശി രാജപ്പൻ (56) ആണ് തോട്ടിൽ വീണത്. ബേക്കറി ജംഗ്ഷനിൽ റിസർവ് ബാങ്കിനു സമീപമുള്ള ആമയിഴഞ്ചാൻ തോട്ടിലാണ് ഇയാൾ വീണത്.
ഇന്നലെ ഉച്ചയ്ക്കാണ് സംഭവം നടന്നത്. ഉച്ചയ്ക്ക് തോടിനു സമീപമിരുന്ന് ഭക്ഷണം കഴിക്കുകയായിരുന്നു രാജപ്പൻ. ഇതിനിടെ ഇയാൾ തോട്ടിലേക്ക് മറിഞ്ഞു വീഴുകയായിരുന്നു. ഉടൻ തന്നെ നാട്ടുകാർ വിവരം ഫയർഫോഴ്സിൽ അറിയിക്കുകയായിരുന്നു.
തുടർന്ന് തിരുവനന്തപുരം നിലയത്തിൽനിന്ന് ഫയർഫോഴ്സ് സംഘം എത്തിയാണ് ഇയാളെ കരയ്ക്കെത്തിച്ചത്. കരയിലെത്തിയതിനു പിന്നാലെ രാജപ്പന് ദേഹാസ്വാസ്ഥ്യം അനുഭവപ്പെട്ടിരുന്നു. ഇതേ തുടർന്ന് ഇയാളെ തിരുവനന്തപുരം ജനറൽ ആശുപത്രിയിലെത്തിച്ച് പ്രാഥമിക ചികിത്സ നൽകി.
Share This Post
