തിരുവനന്തപുരം: കോവളത്ത് സ്പീഡ് ബോട്ട് മറിഞ്ഞ് അപകടം. ഇന്നലെയായിരുന്നു സംഭവം. അഞ്ചു പേരാണ് അപകടം നടന്ന സമയം ബോട്ടിൽ ഉണ്ടായിരുന്നത്. രണ്ട് കുട്ടികൾ ഉൾപ്പെടെ അഞ്ചുപേരെ ലൈഫ് ഗാർഡുകൾ രക്ഷപ്പെടുത്തി.
സേലം സ്വദേശികളായ സുരേഷ്, മോഹൻ, തമിഴ്ശെൽവി, ഏഴു വയസുകാരി ധന്യ ശ്രീ, ശരൺ എന്നിവരെയാണ് രക്ഷപ്പെടുത്തിയത്. ഒരാൾക്ക് കാലിന് പരിക്കേറ്റു. ബോട്ട് കടലിൽ ഇറക്കിയ സമയത്ത് ബോട്ടിന്റെ എഞ്ചിൻഭാഗം മണ്ണിൽ ഇടിച്ച് ചരിയുകയായിരുന്നു. ഈ സമയത്ത് ശക്തമായ തിരയിൽ അനുഭവപ്പെട്ടിരുന്നു. ഈ തിരയിൽ പെട്ട് ബോട്ട് കമഴ്ന്ന് യാത്രക്കാർ കടലിൽ വീണാണ് അപകടം നടന്നത്.
Share This Post
