തിരുവനന്തപുരം: തിരുവനന്തപുരം വർക്കലയിൽ വിനോദസഞ്ചാരികളായ ദമ്പതികളെ ഉപദ്രവിക്കാൻ ശ്രമം. സംഭവത്തിൽ ഒരാളെ പോലീസ് പിടികൂടി. ചങ്ങനാശേരി എൻഎസ്എസ് ഹോസ്പിറ്റലിന് സമീപം തോട്ടുപറമ്പിൽ വീട്ടിൽ അമൽ ബൈജു (25) ആണ് പിടിയിലായത്.
ഞായറാഴ്ച്ച രാത്രി 11 മണിയോടെയാണ് സംഭവം നടന്നത്. തിരുവനന്തപുരം സ്വദേശികളും വർക്കലയിൽ താമസക്കാരുമായ ദമ്പതികൾക്ക് നേരെയാണ് ആക്രമണം നടന്നത്. ഞായറാഴ്ച്ച രാത്രി നോർത്ത്ക്ലിഫ് ഭാഗത്തെ റസ്റ്റോറന്റിൽ ഭക്ഷണം കഴിച്ച് പുറത്തിറങ്ങുമ്പോഴാണ് പ്രതി ഉപദ്രവിക്കാൻ ശ്രമിച്ചത്.
പ്രതി ആ മദ്യലഹരിയായിരുന്നു എന്നാണ് വിവരം. പ്രതി സ്ത്രീയുടെ കൈയിൽ പിടിച്ച് വലിച്ചതായാണ് പരാതിയിൽ പറയുന്നത്. തുടർന്ന് ഭർത്താവ് പൊലീസിനെ അറിയിച്ചതിനെ തുടർന്ന് ടൂറിസം പൊലീസ് സ്ഥലത്തെത്തിയെങ്കിലും യുവാവ് ഓടി രക്ഷപ്പെടുകയായിരുന്നു. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.
