കൊച്ചി: നടിയെ ആക്രമിച്ച കേസിൽ പ്രത്യേക കോടതിയുടെ വിധി ഡിസംബർ 8 ന്. എറണാകുളം പ്രിന്സിപ്പല് സെഷന്സ് കോടതിയാണ് വിധി പറയുക. ഏഴു വര്ഷത്തോളം നീണ്ട വിചാരണ നടപടികള്ക്കൊടുവിലാണ് നടി ആക്രമിക്കപ്പെട്ട കേസില് കോടതി വിധി പറയാന് പോകുന്നത്.
വിചാരണ കോടതി ഇന്നും വാദം കേട്ടിരുന്നു. ഇതിന് പിന്നാലെയാണ് വിധി പറയുന്ന തിയതി കോടതി അറിയിച്ചത്. പൾസർ സുനി ഒന്നാം പ്രതിയായ കേസിൽ, നടൻ ദിലീപാണ് എട്ടാം പ്രതി. 28 സാക്ഷികളാണ് കേസില് കൂറുമാറിയത്.
എട്ടാംപ്രതി ദിലീപ് ഉള്പ്പടെ എല്ലാ പ്രതികളും ഡിസംബര് എട്ടിന് വിചാരണക്കോടതിയില് ഹാജരാകണം. അനുബന്ധ കുറ്റപത്രം അനുസരിച്ച് ബലാത്സംഗ ഗൂഢാലോചന കേസിലാണ് ദിലീപിനെ പ്രതി ചേർത്തിരിക്കുന്നത്. 2017 ഫെബ്രുവരിയിലാണ് കൊച്ചിയിൽ ഓടിക്കൊണ്ടിരുന്ന വാഹനത്തിൽ നടി ക്രൂരമായി ആക്രമിക്കപ്പെട്ടത്.
Share This Post
