തിരുവനന്തപുരം: നാളെ തിരുവനന്തപുരം ശംഖ്മുഖത്ത് നടക്കുന്ന നേവൽ ഡെമോയുടെ ഭാഗമായി നഗരത്തിൽ നാളെ ഗതാഗത നിയന്ത്രണം ഏർപ്പെടുത്തിയിട്ടുണ്ട്. അതിനാൽ തിരുവനന്തപുരം ഇന്റർനാഷണൽ വിമാനത്താവളത്തിൽ എത്തുന്ന യാത്രക്കാർ മുൻകരുതലുകൾ സ്വീകരിക്കണമെന്ന് എയർപോർട്ട് അധികൃതർ അറിയിച്ചു.
നേവി ഓപ്പറേഷൻ ഡെമോയുടെ ഭാഗമായി നാളെ ഉച്ച മുതൽ രാത്രി വരെ എയർപോർട്ട് ടെർമിനൽ 1, ടെർമിനൽ 2 മേഖലകളിലാണ് ട്രാഫിക് നിയന്ത്രണമുള്ളത്. അതിനാൽ വിമാനയാത്രക്കാർക്ക് വിമാനത്താവളത്തിലേയ്ക്കുള്ള യാത്രയ്ക്ക് കൂടുതൽ സമയം വേണ്ടി വന്നേക്കാം. അതിനാൽ യാത്രക്കാർ മുൻകരുതലെടുക്കണമെന്ന് അധികൃതർ അറിയിച്ചു.
Share This Post
