തിരുവനന്തപുരം: തിരുവനന്തപുരത്ത് യുവാവിന് നേരെ ആക്രമണം. തിരുവനന്തപുരം പാൽക്കുളങ്ങരയിലാണ് സംഭവം നടന്നത്. ആക്രമണത്തിൽ യുവാവിന് കുത്തേറ്റു. തിരുവനന്തപുരം പാൽക്കുളങ്ങര സ്വദേശി പ്രദീപിനാണ് കുത്തേറ്റത്.
ഇന്നലെ വൈകിട്ടാണ് സംഭവം നടന്നത്. സംഭവത്തിൽ അയൽവാസി വിശാഖിനെ വഞ്ചിയൂർ പൊലീസ് കസ്റ്റഡിയിലെടുത്തിട്ടുണ്ട്. വാക്കുതർക്കമാണ് ആക്രമണത്തിൽ കലാശിച്ചതെന്ന് പോലീസ് പറയുന്നു. ആക്രമണത്തിൽ പ്രദീപിന്റെ വയറ്റിലും കൈകൾക്കുമാണ് പരിക്കേറ്റിരിക്കുന്നത്.
പ്രദീപിന്റെ അമ്മയുടെ മാല പൊട്ടിക്കാൻ വിശാഖ് ശ്രമിച്ചിരുന്നു. ഇത് പ്രദീപ് തടഞ്ഞിരുന്നു. ഇതേ തുടർന്നാണ് പ്രദീപിനെ കുത്തിയതെന്നാണ് ബന്ധുക്കൾ പറയുന്നത്. പ്രദീപിന്റെ ഭാര്യയും കുഞ്ഞും നോക്കിനിൽക്കേയാണ് ആക്രമിച്ചത്. ഉടൻ തന്നെ പ്രദീപിനെ ആശുപത്രിയിൽ പ്രവേശിപ്പിച്ച് അടിയന്തര ശസ്ത്രക്രിയക്ക് വിധേയമാക്കി.
Share This Post
