തിരുവനന്തപുരം: രാഹുൽ മാങ്കൂട്ടത്തിലിനെതിരായ രണ്ടാമത്തെ ബലാത്സംഗ കേസിൽ ഉപാധികളോടെ മുൻകൂർ ജാമ്യം. തിരുവനന്തപുരം പ്രിന്സിപ്പല് സെഷന്സ് കോടതിയാണ് ജാമ്യം അനുവദിച്ചത്. സാക്ഷികളെ സ്വാധീനിക്കരുത്, അന്വേഷണവുമായി സഹകരിക്കണം തുടങ്ങിയ ഉപാധികളാണ് മുന്നോട്ട് വച്ചത്.
കൂടാതെ എല്ലാ തിങ്കളാഴ്ചയും രാവിലെ 10നും 11നും ഇടക്ക് അന്വേഷണ ഉദ്യോഗസ്ഥക്ക് മുന്നിൽ എത്തി ഒപ്പിടണമെന്നും നിർദേശമുണ്ട്. കഴിഞ്ഞ ദിവസം ഹര്ജി പരിഗണിച്ച കോടതി ഇന്ന് വിധി പറയാന് മാറ്റുകയായിരുന്നു.
കൂടുതല് വകുപ്പുകള് കൂടി ചേര്ത്ത വിവരം പ്രോസിക്യൂഷന് കോടതിയെ അറിയിച്ചിരുന്നു. പിന്തുടർന്ന് ശല്യപ്പെട്ടുത്തുക, തടഞ്ഞുവയ്ക്കുക, അതിക്രമിച്ചു കയറുക എന്നീ വകുപ്പുകളാണ് ചുമത്തിയിരിക്കുന്നത്. പരാതിയില് ഉറച്ചു നില്ക്കുന്നതായി പെണ്കുട്ടി മൊഴി നല്കിയിരുന്നു. ബെംഗളൂരു സ്വദേശിനിയായ 23 കാരിയെ വിവാഹ അഭ്യർത്ഥന നടത്തി, കൂട്ടികൊണ്ടുപോയി ഔട്ട് ഹൗസിൽ വച്ച് ക്രൂരമായി പീഡിപ്പിച്ചുവെന്നാണ് കേസ്.
