തിരുവനന്തപുരം: 25 വർഷത്തിന് ശേഷം തിരുവനന്തപുരം മുട്ടട വാർഡ് തിരികെ പിടിച്ച് യുഡിഎഫ്. യുഡിഎഫ് സ്ഥാനാര്ത്ഥിയായ വൈഷ്ണ സുരേഷ് ആണ് എൽഡിഎഫിന്റെ സിറ്റിങ് സീറ്റ് പിടിച്ചെടുത്തത്. വോട്ടെണ്ണലിന്റെ ആദ്യ ഘട്ടത്തില് വൈഷ്ണ പിന്നിലായിരുന്നുവെങ്കിലും പിന്നീട് വൈഷ്ണ മുന്നേറുകയായിരുന്നു.
തിരുവനന്തപുരം കോര്പ്പറേഷനില് യുഡിഎഫ് മൂന്നാം സ്ഥാനത്താണ് തുടരുന്നതെങ്കിലും മുട്ടടയില് 363 വോട്ടിന് വൈഷ്ണ ജയിച്ചുകയറിയിരിക്കുകയാണ്. കോര്പ്പറേഷനിലെ ഏറ്റവും പ്രായം കുറഞ്ഞ സ്ഥാനാര്ത്ഥി എന്ന നിലയ്ക്ക് ആണ് മുട്ടടയില് യുഡിഎഫ് വൈഷ്ണയെ അവതരിപ്പിച്ചത്.
ഇത് ജനാധിപത്യത്തിന്റെ വിജയമാണെന്നും ജനങ്ങല് നൽകിയ വിജയമാണ് ഇതെന്നും വൈഷ്ണ പ്രതികരിച്ചു. പ്രയ്തനവും കഠിനാധ്വാനവും ജനങ്ങള് തിരിച്ചറിഞ്ഞ് വലിയ പിന്തുണ നൽകി. വളരെയധികം സന്തോഷമുണ്ടെന്നും ജനങ്ങളോട് നന്ദിയുണ്ടെന്നും വൈഷ്ണ സുരേഷ് പറഞ്ഞു.
231 വോട്ടാണ് ഇടത് സ്ഥാനാർത്ഥി അംശു വാമദേവന് ലഭിച്ചത്. ബിജെപി സ്ഥാനാർത്ഥി അജിത് കുമാറിന് 106 വോട്ട് മാത്രമേ നേടാനായുള്ളൂ. അതെ സമയം തിരുവനന്തപുരം കോർപറേഷനിൽ 16 സീറ്റിൽ എൻഡിഎയും 17 സീറ്റിൽ എൽഡിഎഫും 10 സീറ്റിൽ യുഡിഎഫും മുന്നിലുണ്ട്.
