തിരുവനന്തപുരം: തിരുവനന്തപുരത്ത് പ്ലസ് ടു വിദ്യാർഥിനി പുഴയിൽ ചാടി ആത്മഹത്യക്ക് ശ്രമിച്ചു. കാട്ടാക്കട ഒറ്റശേഖരമംഗം സ്വദേശിയായ പെൺകുട്ടിയാണ് ആത്മഹത്യക്ക് ശ്രമിച്ചത്. തിരുവനന്തപും വെള്ളറട മണ്ഡപത്തിൻ കടവിലെ പാലത്തിൽ നിന്നാണ് കുട്ടി ചാടിയത്.
പെൺകുട്ടി പുഴയിൽ ചാടുന്നത് കണ്ട നാട്ടുകാരനാണ് പെൺകുട്ടിയെ രക്ഷപ്പെടുത്തി ആശുപത്രിയിൽ എത്തിച്ചത്. പരീക്ഷയെ ഭയന്ന് ജീവനൊടുക്കാൻ ശ്രമിച്ചുവെന്നാണ് കുട്ടിയുടെ മൊഴി. ഇന്നലെ രാവിലെയാണ് സംഭവം നടന്നത്. രാവിലെ സ്കൂളിലേക്കു പോകും വഴി പാലത്തിൽ നിന്ന് പെൺകുട്ടി പുഴയിലേക്ക് എടുത്തുചാടുകയായിരുന്നു.
Share This Post
