തിരുവനന്തപുരം: തിരുവനന്തപുരത്ത് രാത്രിയിൽ കെ എസ് ആർ ടി സി ബസിൽ നിന്നും രോഗിയായ യുവതിയെ ഇറക്കിവിട്ടുവെന്ന് ആരോപണം. തിരുവനന്തപുരം വെള്ളറടയിലാണ് സംഭവം നടന്നത്. ഗൂഗിൾ പേ വഴി പണം നൽകുന്നത് പരാജയപ്പെട്ടതിനെ തുടർന്ന് യുവതിയെ നടുറോട്ടിൽ ഇറക്കി വിട്ടത്.
സംഭവത്തിൽ വെള്ളറട സ്വദേശി ദിവ്യ കെഎസ്ആർടിസി ഉദ്യോഗസ്ഥർക്ക് പരാതി നൽകി. രോഗിയായ ദിവ്യ ആശുപത്രിയിൽ പോയിട്ട് തിരികെ ബസിൽ മടങ്ങി വരുകയായിരുന്നു. തുടർന്ന് ടിക്കറ്റ് എടുക്കാനായി ഗൂഗിൾ പേ വഴി പണം നൽകാൻ ശ്രമിച്ചങ്കിലും പരാജയപ്പെട്ടു.
തുടർന്ന് ദിവ്യ കണ്ടക്ടറോട് ഡിപ്പോയിൽ കാത്തുനിൽക്കുന്ന ഭർത്താവ് പണം നൽകുമെന്ന് അറിയിച്ചെങ്കിലും കേട്ടില്ല.ശേഷം കണ്ടക്ടർ നടുറോട്ടിൽ ഇറക്കിവിടുകയായിരുന്നുവെന്നും ദിവ്യ പരാതിയിൽ പറയുന്നു. സുഖമില്ലാത്ത തന്നെ ഭർത്താവ് എത്തിയാണ് വീട്ടിലേക്ക് കൂട്ടിക്കൊണ്ടുപോയതെന്നും യുവതി പറഞ്ഞു.
Share This Post
