തിരുവനന്തപുരം; കേന്ദ്ര ബജറ്റില് കേരളത്തിനോടുണ്ടായ കടുത്ത അവഗണനയില് പ്രതിഷേധിച്ച് നാളെ സംസ്ഥാന വ്യാപകമായി സിപിഐഎം കരിദിനം ആചരിക്കും. എല്ലാ ബൂത്തുകളിലും കരിങ്കൊടി ഉയര്ത്താനും പ്രതിഷേധ പ്രകടനം നടത്താനുമാണ് തീരുമാനം.
ബജറ്റിന് മുന്നോടിയായി കേരളം ഉന്നയിച്ച 29 ആവശ്യങ്ങളില് ഒന്നുപോലും കേന്ദ്രം പരിഗണിച്ചില്ല. ഇന്ത്യയുടെ ഭൂപടത്തില് കേരളം നിലനില്ക്കുന്ന എന്ന രീതിയിലുള്ള ബജറ്റാണ് അവതരിപ്പിച്ചിരിക്കുന്നെത് സിപിഐഎം സംസ്ഥാന സെക്രട്ടറിയേറ്റ് പുറത്തിറക്കിയ പ്രസ്താവനയില് പറഞ്ഞു.
ബജറ്റിന് മുമ്പ് കേന്ദ്ര ധനമന്ത്രിയുമായി നടത്തിയ ചര്ച്ചയില് കേരളം 29 ആവശ്യങ്ങള് ഉന്നയിച്ചിരുന്നു. ഇത് ഒന്നുപോലും പരിഗണിച്ചില്ല. സംസ്ഥാനം ദീര്ഘകാലമായി ആവശ്യപ്പെടുന്ന ഒരു പദ്ധതിയും കേരളത്തിന് ലഭിച്ചില്ല. കേരളത്തിന്റെ സ്വപ്നമായ എയിംസ് ഈ ബജറ്റിലും പ്രഖ്യാപിച്ചില്ല. റെയില്വെ വികസനത്തിനായുള്ള 7 അതിവേഗ ഇടനാഴികളിലും കേരളമില്ല. വിഴിഞ്ഞം തുറമുഖത്തിന്റെ വികസനത്തിനുള്ള. പ്രത്യേക പാക്കേജും അംഗീകരിക്കപ്പെട്ടില്ല. ആയുര്വ്വേദത്തിന്റെ ഈറ്റില്ലമായ കേരളത്തിന് ആയുര്വേദ എയിംസ് ഇല്ല. ഉള്നാടന് ജല ഗതാഗത പദ്ധതിയിലും കേരളമില്ല തുടങ്ങിയ കാര്യങ്ങളും സിപിഐഎം പ്രസ്താവനയില് വ്യക്തമാക്കുന്നു.
