തിരുവനന്തപുരം: ശബരിമല സ്വര്ണക്കൊള്ളയുമായി ബന്ധപ്പെട്ടുള്ള കട്ടിളപ്പാളി കേസിലും മുഖ്യപ്രതി ഉണ്ണികൃഷ്ണന് പോറ്റിക്ക് ജാമ്യം. അറസ്റ്റിലായി 90 ദിവസം കഴിഞ്ഞ സാഹചര്യത്തിലാണ് കോടതി സ്വാഭാവിക ജാമ്യം ലഭിച്ചിരിക്കുന്നത്. കര്ശന ഉപാധികളോടെയാണ് കൊല്ലം വിജിലന്സ് കോടതി ജാമ്യം അനുവദിച്ചിരിക്കുന്നത്. ദ്വാരപാല കേസില് പോറ്റിക്ക് നേരത്തേ ജാമ്യം ലഭിച്ചിരുന്നു. രണ്ട് കേസുകളിലും ജാമ്യം ലഭിച്ച സാഹചര്യത്തില് ഉണ്ണികൃഷ്ണന് പോറ്റി ഇന്ന് ജയില് മോചിതനാകും. ഇതോടെ കേസില് ഇതുവരെ നാല് പ്രതികള്ക്ക് ജാമ്യം ലഭിച്ചു.
ദ്വാരപാലക കേസിലും കര്ശന ഉപാധികളോടെയായിരുന്നു കൊല്ലം വിജിലന്സ് കോടതി ജാമ്യം അനുവദിച്ചത്.ദ്വാരപാലക കേസില് ജാമ്യം ലഭിച്ച് ഒരു മാസം പിന്നിടും മുന്പാണ് രണ്ടാമത്തെ കേസിലും പോറ്റിക്ക് ജാമ്യം ലഭിച്ചിരിക്കുന്നത്.
അതേസമയം ഉണ്ണികൃഷ്ണന് പോറ്റിക്കെതിരെ സാമ്പത്തിക തട്ടിപ്പില് കേസുകളെടുക്കാനുള്ള നീക്കം എസ്ഐടി ഉപേക്ഷിച്ചു. നിലവിലുള്ള റിയല് എസ്റ്റേറ്റ്, ചെക്ക് കേസുകള് ഒത്തുതീര്പ്പായതും പരാതിക്കാര് വീണ്ടും വരാന് തയ്യാറാകാത്തതും കോടതിയില് തിരിച്ചടിയാകുമെന്ന് എസ്ഐടി വിലയിരുത്തുന്നു.
