കണ്ണൂർ: കണ്ണൂർ അഞ്ചരക്കണ്ടി ഡെന്റൽ കോളേജിലെ വിദ്യാർത്ഥി നിതിൻ മരിച്ച സംഭവത്തിൽ ആരോപണവിധേയനായ ഡോ എം കെ റാമിനെ പുറത്താക്കുമെന്ന് കോളേജ് അധികൃതർ. ചൊവ്വാഴ്ച ചേര്ന്ന കോളേജ് മാനേജ്മെന്റിന്റെ യോഗത്തിലാണ് ഡോ. റാമിനെ സ്ഥാപനത്തില്നിന്ന് പുറത്താക്കാന് തീരുമാനിച്ചത്.
വിദ്യാർത്ഥികളുടെ പരാതിയിലാണ് നടപടി എടുക്കുന്നത്. അതേസമയം, ഇക്കാര്യം കോളേജ് മാനേജ്മെന്റ് ഇതുവരെ ഔദ്യോഗികമായി അറിയിച്ചിട്ടില്ല. നിതിന് രാജിന്റെ ആത്മഹത്യയ്ക്ക് പിന്നാലെ കൂടുതല് വിദ്യാര്ഥികള് റാമിനെതിരേ ഗുരുതരമായ ആരോപണങ്ങള് ഉന്നയിച്ചിരുന്നു. ഈ സാഹചര്യത്തിലാണ്
മാനേജ്മെന്റിന്റെ നടപടി. തിരുവനന്തപുരം ചാലക്കടവ് സ്വദേശിയായ നിതിൻ രാജ് അഞ്ചരക്കണ്ടി ഡെന്റൽ കോളേജിലെ ഒന്നാം വർഷ വിദ്യാർത്ഥിയായിരുന്നു. വെള്ളിയാഴ്ചയാണ് കോളേജ് കെട്ടിടത്തിൽ നിന്ന് നിതിൻ ചാടി മരിച്ചത്.
Share This Post
