തിരുവനന്തപുരം: വർക്കല ജില്ലാ ആയുർവേദ ആശുപത്രിയിൽ കണ്ണിന്റെയും കാഴ്ചയുടെയും സംരക്ഷണം, നേത്രരോഗങ്ങൾക്കെതിരെയുള്ള പ്രതിരോധം എന്നിവ മുൻനിർത്തി നേത്രരക്ഷ എന്ന പേരിൽ ഓ.പി തുടങ്ങിയിരിക്കുന്നു. കുട്ടികൾ,50 വയസ്സിനു മുകളിൽ പ്രായമുള്ളവർ, കാഴ്ചയുമായി ബന്ധപ്പെട്ട രോഗങ്ങൾ വരാവുന്ന തൊഴിലിൽ ഏർപ്പെട്ടിരിക്കുന്നവർ എന്നിവർക്ക് ചൊവ്വ, ശനി ദിവസങ്ങളിൽ 9 മണി മുതൽ 2 മണിവരെ ഈ സൗകര്യം ജില്ലാ ആയുർവേദ ആശുപത്രിയിലെ നേത്ര – ഇ.എൻ.ടി. ഓ പിയിൽ നിന്ന് ലഭിക്കുന്നതാണ്.
എല്ലാ നൂതന പരിശോധന സംവിധാനങ്ങളും സജ്ജീകരിച്ചിരിക്കുന്ന നേത്ര- ഇ.എൻ. ടി ഓ.പിയിൽ ആവശ്യമുള്ള പരിശോധനകൾ, ഡ്രൈവിംഗ് ലൈസൻസ് ടെസ്റ്റിംഗ്, കൂടാതെ നേത്ര സംരക്ഷണത്തിനു വേണ്ടിയുള്ള ആഹാര- ക്രമ ജീവിതശൈലി നിർദ്ദേശങ്ങൾ, യോഗ പരിശീലനം എന്നിവയും ലഭിക്കുന്നതാണ്.
Share This Post
