തിരുവനന്തപുരം: മിൽമ പാലിന് വില കൂട്ടാൻ തീരുമാനം. ഒരു ലിറ്ററിന് നാല് രൂപ കൂട്ടാനാണ് തീരുമാനം. എന്നാൽ തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല് തീരുമാനം ഉടന് നടപ്പിലാക്കില്ല.
ഡയറക്ടർ ബോർഡ് യോഗത്തിലാണ് വില വർധിപ്പിക്കാനുള്ള ശുപാർശ. മൂന്ന് മുതല് ആറ് രൂപ വരെ കൂട്ടണമെന്നായിരുന്നു യൂണിയനുകളുടെ ആവശ്യം. എന്നാൽ ലിറ്ററിന് നാല് രൂപ വരെ കൂട്ടാന് സംസ്ഥാന സര്ക്കാര് അനുമതി നല്കിയ പശ്ചാത്തലത്തിലാണ് വില വര്ധനയ്ക്കള്ള നീക്കം മില്മ തുടങ്ങിയത്. മിൽമയുടെ നിരന്തര ആവശ്യം പരിഗണിച്ചാണ് പാൽവില കൂട്ടാനുള്ള അനുമതി സർക്കാർ നൽകിയത്.
സംസ്ഥാനത്ത് പാൽ വില കൂടുമെന്ന് നേരത്തെ അറിയിച്ചിരുന്നു. തിരഞ്ഞെടുപ്പ് കമ്മീഷന്റെ അനുമതി കിട്ടുകയാണെങ്കില് മെയ് 1 മുതല് പുതിയ വില പ്രാബല്യത്തില് വന്നേക്കുമെന്ന സൂചനയും മില്മ അധികൃതരില് നിന്നുണ്ട്.
Share This Post
