തിരുവനന്തപുരം: പത്മനാഭസ്വാമി ക്ഷേത്രത്തിലെ സുരക്ഷാവീഴ്ച സംബന്ധിച്ച പൊലീസ് റിപ്പോര്ട്ട് തള്ളി ക്ഷേത്രഭരണസമിതി. നേരിട്ട് പരിശോധന നടത്തിയെന്നും വിലപിടിപ്പുള്ള ഒന്നും മോഷണം പോയിട്ടില്ലെന്നും ക്ഷേത്രസമിതി അറിയിച്ചു.
സ്വര്ണമോ മറ്റ് അമൂല്യ വസ്തുക്കളോ നഷ്ടപ്പെട്ടിട്ടില്ലെന്ന വിലയിരുത്തലിലാണ് ഭരണസമിതി. മാത്രമല്ല പൊലീസ് റിപ്പോര്ട്ടിനെതിരെ സര്ക്കാരിന് കത്ത് നല്കും. അമൂല്യവസ്തുക്കള് മോഷണം പോയ വാർത്ത പുറത്തുവന്നതിന് പിന്നാലെയാണ് ക്ഷേത്ര ഭരണസമിതി അടിയന്തര യോഗം ചേര്ന്നത്.
പത്മനാഭസ്വാമി ക്ഷേത്രത്തിലെ സ്വര്ണം കാണാതായ സംഭവത്തില് കൊട്ടാരത്തിലെ നിത്യസന്ദര്ശകര്ക്കെതിരെ ഡിജിപിയുടെ റിപ്പോര്ട്ട് കഴിഞ്ഞ ദിവസമാണ് പുറത്തുവന്നത്. ഇന്റലിജൻസ് മാസങ്ങളായി നടത്തിയ അന്വേഷണത്തിന്റെ അടിസ്ഥാനത്തിലാണ് റിപ്പോർട്ട് തയ്യാറാക്കിയത്.
Share This Post
