വീട്ടിൽ കയറിയ പന്നി വീട്ടമ്മയെ ആക്രമിച്ചു; സംഭവം പെരുങ്ങുഴിയിൽ
പെരുങ്കുഴി: പെരുങ്കുഴിയിൽ വീടിനുള്ളിൽ അതിക്രമിച്ചു കയറിയ പന്നിയുടെ ആക്രമണത്തിൽ വീട്ടമ്മയ്ക്ക് ഗുരുതരപരിക്ക്. പെരുങ്കുഴി നാലുമുക്ക് ചരിവിള വീട്ടിൽ ഗീത 55) യ്ക്കാണ് പരിക്കേറ്റത്. കഴിഞ്ഞദിവസം രാവിലെ അഞ്ചരയോടെ അടുക്കള ജോലിക്കിടയൊണ് വീടിൽ വാതിൽ കൂടി അകത്ത് കടന്ന പന്നി ഗീതയെ ഇടിച്ചു വീഴ്ത്തി താഴെയിട്ട് ആക്രമിക്കുകയായിരുന്നു. ബഹളകേട്ട് ഭർത്താവ് അശോകൻ വടിയുമായി ഓടിയെത്തിയപ്പോഴാണ് പന്നി പുറത്തേക്ക് ചാടി രക്ഷപ്പെട്ടത്. ആക്രമണത്തിൽ ഗുരുതരമായി പരിക്കേറ്റ ഗീതയെ ആദ്യം ചിറയിൻകീഴ് താലൂക്ക് ആശുപത്രിയിലും തുടർന്ന് മെഡിക്കൽകൊളേജ് ആശുപത്രിയിലും പ്രവേശിപ്പിച്ചു. കാലിന് ഏകദേശം 5 സെന്റീമീറ്ററോളം ആഴത്തിൽ മുറിവേറ്റിട്ടുണ്ട്. പത്തിലധികം തുന്നൽ ഇടേണ്ടി വന്നു. ഈ പ്രദേശത്ത് സാധാരണയായി പന്നിശല്യം ഉണ്ടാകാറില്ലെന്നും, ആദ്യമായാണ് ഇത്തരമൊരു സംഭവം കേൾക്കുന്നതെന്നും നാട്ടുകാർ പറയുന്നു. ഏതായാലും ജനവാസ മേഖലയിൽ പന്നി ഇറങ്ങി വീട്ടമ്മയെ ആക്രമിച്ച സംഭവത്തിൽ നാട്ടുകാർ കടുത്ത ആശങ്കയിലാണ്.
