തിരുവനന്തപുരം : എകെജി സെന്ററിന് നേരെ ഉണ്ടായ ബോംബാക്രമണം കോൺഗ്രസ്സോ യു ഡി എഫോ അറിഞ്ഞിട്ടല്ല എന്ന് പ്രതിപക്ഷ നേതാവ് വി.ഡി.സതീശൻ. സർക്കാർ പ്രതിരോധത്തിലായ സമയത്ത് ശ്രദ്ധ തിരിക്കാനായി നടത്തിയതാണ് ബോംബാക്രമണമെന്നും വി.ഡി.സതീശൻ മാധ്യമങ്ങളോട് പറഞ്ഞു.
കോൺഗ്രസ് ആണ് ആക്രമണത്തിന് പിന്നിലെന്ന് ഇ.പി.ജയരാജൻ എന്ത് അടിസ്ഥാനത്തിലാണ് പറഞ്ഞതെന്നും കോൺഗ്രെസ്സുകാരാണ് ആക്രമണത്തിന് പിന്നിലെന്ന് എന്നുള്ളതിന് എന്ത് തെളിവാണ് ഉള്ളതെന്നും വി.ഡി.സതീശൻ ചോദിക്കുന്നു. സത്യം പോലീസ് കണ്ടുപിടിക്കട്ടെയെന്നും രാഹുൽ വരുന്ന സമയത്ത് കോൺഗ്രസ് അക്രമം നടത്തുമെന്ന് പറയുന്നത് സാമാന്യ ബുദ്ധിക്ക് നിരക്കാത്ത കാര്യമാണെന്നും വി.ഡി.സതീശൻ വ്യക്തമാക്കി.
Share This Post
