തിരുവനന്തപുരം : നടിയെ പീഡിപ്പിച്ച കേസിൽ നടൻ ദിലീപിനെ അനുകൂലിക്കുന്ന തരത്തിൽ മുൻ ഡിജിപി ആർ ശ്രീലേഖ മൊഴി നൽകിയത് ദുരുദ്ദേശത്തോടെയെന്ന് വനിതാകമ്മീഷൻ. കമ്മീഷൻ അധ്യക്ഷ പി സതീദേവിയാണ് ഇക്കാര്യം പറഞ്ഞത്. വിരമിച്ച ശേഷമുള്ള പ്രതികാരം ദുരൂഹമാണെന്നും പി സതീദേവി പറയുന്നു. കൃത്യമായ അന്വേഷണം വേണമെന്നും സതീദേവി കൂട്ടിച്ചേർത്തു.
ആരെ സഹായിക്കാനാണ് ഇത്തരം പ്രസ്താവനയെന്ന് ആശങ്കയുണ്ട്. ഉന്നത പദവിയിലിരിക്കുന്ന ആൾക്ക് യോജിക്കാത്ത പരാമർശങ്ങളാണ്. അതിജീവിതക്ക് നീതി ലഭിക്കണമെന്നാണ് ജനങ്ങൾ ആഗ്രഹിക്കുന്നതെന്നും അവർ പറഞ്ഞു. ആർ ശ്രീലേഖ പ്രസ്തുത പരാമർശങ്ങൾ നടത്തിയത് തന്റെ യൂട്യൂബ് ചാനലിലൂടെയാണ്. ഇതിനെതിരെ കഴിഞ്ഞ ദിവസം ഡബ്ബിങ് ആര്ടിസ്റ് ഭാഗ്യലക്ഷ്മിയും രംഗത്ത് വന്നിരുന്നു.
Share This Post
