കോട്ടയം: കൊടൈക്കനാലിലേയ്ക്ക് യാത്ര പോയ അഞ്ചംഗ സംഘത്തിലെ രണ്ട് യുവാക്കളെ കാണാതായി.
തേവരുപാറ സ്വദേശികളായ പള്ളിപ്പാറ അല്‍ത്താഫ് (23), മുല്ലൂപ്പാറയില്‍ ഹാഫിസ് ബഷീര്‍ (23) എന്നിവരെയാണ് കാണാതായത്.
തിങ്കളാഴ്ച ഈരാറ്റുപേട്ടയില്‍ നിന്നും പുറപ്പെട്ട ഇവരെ കണ്ടെത്താൻ
രണ്ട് ദിവസമായി തെരച്ചില്‍ തുടരുകയാണ്.
കൊടൈക്കനാൽ പ്രദേശത്തെ പൂണ്ടി ഉള്‍ക്കാട്ടിലാണ് ഇവരെ കാണാതായത്.
മയക്കു മരുന്നു കേന്ദ്രമായ പൂണ്ടി മേഖലയിൽ കാട്ടുപോത്ത്, ആന എന്നിവയും സ്ഥിരമായി ഇറങ്ങാറുണ്ട്.
പ്രദേശ വാസികളായ മുപ്പത്തിയഞ്ചോളം പേര്‍ ഇവര്‍ക്കായുള്ള തെരച്ചില്‍ സംഘത്തില്‍ ഉണ്ട്. ഈരാറ്റുപേട്ടയില്‍ നിന്നും കൂടുതല്‍ പേര്‍ തെരച്ചിലിനായി പോകാന്‍ തയാറെടുക്കുകയാണ്.
ഇവർക്കൊപ്പമുണ്ടായിരുന്ന രണ്ടു പേരെ പൊലീസ് കസ്റ്റഡിയിലെടുത്ത് ചോദ്യം ചെയ്‌ത് വരികയാണ്.
Share This Post
