തിരുവനന്തപുരം: മുതലപ്പൊഴി അഴിമുഖത്ത് തുടർച്ചയായി ഉണ്ടാകുന്ന അപകടങ്ങൾ ഒഴിവാക്കാൻ നടപടി സ്വീകരിക്കണമെന്നാവശ്യപ്പെട്ട് സമരപരിപാടികളെ കുറിച്ച് ചർച്ച ചെയ്യുന്നതിനായി പുതുക്കുറിച്ചി – പെരുമാതുറ മത്സ്യത്തൊഴിലാളി താങ്ങുവല അസോസിയേഷൻ്റെ നേതൃത്വത്തിൽ ഇന്ന് വൈകുന്നേരം 4 മണിക്ക് പെരുമാതുറ മുസ്ലിം ജമാഅത്ത് ഹാളിൽ സർവ്വകക്ഷി യോഗം ചേരും.
മുതലപ്പൊഴി ഹാർബർ ആശ്രയിക്കുന്ന പ്രദേശത്തുള്ള, മുസ്ലിം ജമാഅത്തുകൾ, ചർച്ച് കമ്മറ്റികൾ, മത്സ്യതൊഴിലാളി അസോസിയേഷനുകൾ, സാംസ്കാരിക സംഘടനകൾ, രാഷ്ട്രീയ പാർട്ടി നേതാക്കൾ തുടങ്ങിയവർ യോഗത്തിൽ പങ്കെടുക്കുമെന്ന് പുതുക്കുറിച്ചി – പെരുമാതുറ താങ്ങുവല അസോസിയേഷൻ പ്രസിഡൻ്റ സജീബ് പുതുക്കുറിച്ചി, ജനറൽ സെക്രട്ടറി ഷാജഹാൻ എന്നിവർ വാർത്ത കുറിപ്പിൽ അറിയിച്ചു.
Share This Post
