കണ്ണൂർ: പയ്യന്നൂരില്‍ മെലിയോയിഡോസിസ് ഭീതി. പയ്യന്നൂരില്‍ കോറോത്ത് മൂന്നുപേർക്കുകൂടി അപൂർവരോഗമായ മെലിയോയിഡോസിസ് രോഗലക്ഷണങ്ങൾ കണ്ടെത്തിയതായി റിപ്പോർട്ട്. ഇവർ പഴയങ്ങാടി താലൂക്ക് ആശുപത്രിയിൽ പരിശോധന നടത്തുകയും സാമ്പിൾ പരിശോധനയ്ക്ക്‌ അയക്കുകയും ചെയ്തു. നേരതെ രണ്ടുപേർക്ക് മെലിയോയിഡോസിസ് സ്ഥിരീകരിച്ചിരുന്നു. ആശങ്ക വേണ്ടെന്നു ആരോഗ്യവകുപ്പ് അധികൃതർ വ്യക്തമാക്കി.
ബാക്ടീരിയ കാരണമുണ്ടാകുന്ന രോഗമാണ് മെലിയോയിഡോസിസ്. ആദ്യം കോറോംഭാഗത്തെ 12 വയസ്സുകാരനിലാണ് രോഗം സ്ഥിരീകരിച്ചത്. പിന്നീട് 42-കാരനിലും രോഗം കണ്ടെത്തി. രോഗകാരിയായ ബാക്ടീരിയ രണ്ടുപേരിലും എത്തിയത് സമീപത്തുള്ള കുളത്തിൽനിന്നാകാമെന്നാണ് ആരോഗ്യവകുപ്പിന്റെ കണ്ടെത്തൽ. ഇവർ രണ്ടുപേരും ഈ കുളത്തിൽ സ്ഥിരമായി കുളിക്കാറുണ്ടായിരുന്നു. ഈ കുളം ഉപയോഗിക്കുന്നതിന് വിലക്ക് ഏർപ്പെടുത്തിയിട്ടുണ്ട്.
Share This Post
