തിരുവനന്തപുരം: സംസ്ഥാനത്ത് അടുത്ത 5 ദിവസം മഴയ്ക്ക് സാധ്യതയുണ്ടെന്ന് കേന്ദ്രകാലാവസ്ഥ വകുപ്പിന്റെ മുന്നറിയിപ്പ്. വടക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമർദം ശക്തി പ്രാപിച്ച് ഒഡിശ-പശ്ചിമ ബംഗാള് തീരത്ത് സ്ഥിതി ചെയ്യുകയാണ്. ന്യൂനമര്ദം അടുത്ത രണ്ടു ദിവസത്തിൽ ഒഡിശ-ഛത്തീസ്ഗഢ് മേഖലയിലേക്ക് നീങ്ങാന് സാധ്യതയുണ്ടെന്നും കേന്ദ്രകാലാവസ്ഥ വകുപ്പ് അറിയിച്ചു.
ഇന്ന് അടുത്ത മൂന്നു മണിക്കൂറില് തിരുവനന്തപുരം, കൊല്ലം, ഇടുക്കി, എറണാകുളം, തൃശൂര്, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
