കഴക്കൂട്ടം: ഡെലിവറി ബോയിയെ മർദ്ദിച്ച് അവശനാക്കിയ ശേഷം ഡെലിവറി സാധനങ്ങളുമായി മുങ്ങുകയും നിരവധി ക്രിമിനൽ കേസുകളിലെ പ്രതിയുമായ ആൾ പിടിയിൽ. കഠിനംകുളം മുണ്ടൻചിറ മണക്കാട്ടിൽ വീട്ടിൽ തംബുരു എന്ന് വിളിക്കുന്ന വിഷ്ണു (24)വിനെയാണ് കഠിനംകുളം പോലീസ് അറസ്റ്റ് ചെയ്തത്.
കഴിഞ ഞയറാഴ്ച ഉച്ചയോടെ മുണ്ടൻ ചിറക്ക് സമീപമായിരുന്നു സംഭവം.
ശാർക്കര സ്വദേശിയായ യുവാവ് ഓൺലൈൻ സാധനങ്ങൾ ഡെലിവറി ചെയ്യുന്നതിനിടെ പ്രതി ഇയ്യാളെ ക്രൂരമായി മർദ്ദിച്ചു ശേഷം ഡെലിവറി ചേയ്യേണ്ട സാധനങ്ങൾ തട്ടിയെടുത്ത് മുങ്ങുകയായിരുന്നു. വിവരം അറിഞ്ഞ പോലീസ് പ്രതിയെ ഉടൻ തന്നെ പിടി കൂടുകയായിരുന്നു.
പോക്സോ കേസുൾപ്പെടെ 16 ഓളം കേസുകളിൽ പ്രതിയാണ് തംബുരു.
കഠിനംകുളം പോലീസ് ഇൻസ്പെക്ടൻ ചന്ദ്രദാസ്, സബ് ഇൻസ്പെക്ടർ ഷിജു എസ് എസ്, ജി എസ് ഐ ഷാബു, ജി എസ് സി പി ഒ ജ്യോതിഷ് കുമാർ, സി പി ഒ ഹാഷിം, സി പി ഒ പ്രവീൺ, എസ് ആർ സി പി ഒ ദീപക്, സിപിഒ സുരേഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
