തിരുവനന്തപുരം: വ്യവസായിക പരിശീലന വകുപ്പിന്റെ കീഴിലുള്ള കഴക്കൂട്ടം വനിത ഐ.ടി.ഐയിൽ 2023 അഖിലേന്ത്യ ട്രേഡ് ടെസ്റ്റിൽ ഉന്നത വിജയം കരസ്ഥമാക്കിയ ട്രെയിനികൾക്കുള്ള അവാർഡ് ദാനവും സർട്ടിഫിക്കറ്റ് വിതരണവും നടന്നു. പരിപാടിയുടെ ഉദ്ഘാടനം കടകംപള്ളി സുരേന്ദ്രൻ എം.എൽ.എ നിർവഹിച്ചു. നഗരസഭ കൗൺസിലർ കവിത എൽ.എസ് അധ്യക്ഷത വഹിച്ചു.
ഐ.ടി.ഐ പ്രിൻസിപ്പൽ എസ്.വി അനിൽകുമാർ, വ്യവസായിക പരിശീലന വകുപ്പ് ജോയിൻറ് ഡയറക്ടർ ബിന്ദു ജെ.എസ്, കേരള സംസ്ഥാന ഭിന്നശേഷി ക്ഷേമ കോപ്പറേഷൻ മാനേജിങ് ഡയറക്ടർ കെ മൊയ്തീൻകുട്ടി, ഇൻസ്പെക്ടർ ഓഫ് ട്രെയിനിങ് ഷമ്മി ബേക്കർ, പി.ടി.എ പ്രസിഡൻറ് സുന്ദരേശൻ നായർ, വൈസ് പ്രിൻസിപ്പൽ സജീവ് വി ആർ, സീനിയർ സൂപ്രണ്ട് നജിമുനീസ എ, ഗ്രൂപ്പ് ഇൻസ്പെക്ടർ രജികുമാർ വി.എസ് സ്റ്റാഫ് സെക്രട്ടറി പ്രീതകുമാരി, ഗ്രൂപ്പ് ഇൻസ്പെക്ടർ ഷീബ എ തുടങ്ങിയവർ പരിപാടിയിൽ പങ്കെടുത്തു.
Share This Post
