കഴക്കൂട്ടം: കഴക്കൂട്ടം ജനമൈത്രി ബീറ്റ് പൊലീസ് ഉദ്യോഗസ്ഥൻ ആത്മഹത്യ ചെയ്ത നിലയിൽ. കഴക്കൂട്ടം ജനമൈത്രി ബീറ്റിൻ്റെ ചുമതലയുള്ള കറ്റോൺമെൻ്റ് പൊലീസ് സ്റ്റേഷനിലെ സീനിയർ പൊലീസ് ഉദ്യോഗസ്ഥനെയാണ് തൂങ്ങി മരിച്ച നിലയിൽ കണ്ടെത്തിയത്. നഗരൂർ കൊടുവഴന്നൂർ പുല്ലയിൽ എസ് കെ വി യുപിഎസിനു സമീപം ലാവണ്യയിൽ ബി. ലാൽ (55) ആണ് ആത്മഹത്യ ചെയ്തത്.
വാടക വീട്ടിനുള്ളിലാണ് ലാലിനെ തൂങ്ങി മരിച്ച നിലയിൽ കണ്ടെത്തിയത്. കഴക്കൂട്ടം എഫ് സി ഐ ക്കു സമീപമുള്ള വീട്ടിലായിരുന്നു ലാൽ താമസിച്ചിരുന്നത്.
മൃതദേഹം മെഡിക്കൽ കോളജ് മോർച്ചറിലേയ്ക്കു മാറ്റി. കൻ്റോൺമെൻ്റ് പൊലീസ് സ്റ്റേഷനിലെ സി പി ഒയായ ലാൽ കഴിഞ്ഞ ഒന്നര വർഷമായി കഴക്കൂട്ടം ജനമൈത്രി ബീറ്റ് പൊലീസാണ്. സംഭവത്തെ തുടർന്ന് പൊലീസ് സ്ഥലത്തെത്തി അന്വേഷണം ആരംഭിച്ചു. ആത്മഹത്യയുടെ കാരണം വ്യക്തമല്ല. ആത്മഹത്യ കുറിപ്പ് ലഭിച്ചിട്ടില്ലെന്ന് പൊലീസ് പറയുന്നു.
Share This Post
