തിരുവനന്തപുരം: മെഡിക്കൽ വിദ്യാഭ്യാസ വകുപ്പിലെ നേഴ്സുമാരെ അന്യായമായി സ്ഥലം മാറ്റിയതിനെതിരെ കെ ജി എൻ എയുടെ നേതൃത്വത്തിൽ നേഴ്സുമാർ ഡി.എം.ഇ ഓഫീസിനു മുന്നിൽ പ്രതിഷേധ പ്രകടനവും ധർണ്ണയും നടത്തി . കെ ജി എൻ എ അംഗങ്ങളായതിൻ്റെ പേരിലാണ് നേഴ്സുമാരെ സ്ഥലം മാറ്റിയിരിക്കുന്നത്.
കെ.ജി.എൻ .എ ജനറൽ സെക്രട്ടറി ടി. സുബ്രമണ്യൻ ധർണ്ണ ഉദ്ഘാടനം ചെയ്തു. സംസ്ഥാന സെക്രട്ടറി നിഷ ഹമീദ് , സംസ്ഥാന വൈസ് പ്രസിഡണ്ട് ഹമീദ് എസ്.എസ് , സംസ്ഥാന കമ്മിറ്റി അംഗം അജോ സാം വർഗ്ഗീസ് എന്നിവർ സംസാരിച്ചു. ജില്ലാ പ്രസിഡണ്ട് ആശ എസ്. അദ്ധ്യക്ഷത വഹിച്ചു. ജില്ലാ സെക്രട്ടറി സുഷമ എൽ.ടി സ്വാഗതവും സുനിത എൽ.ടി നന്ദിയും പറഞ്ഞു.
Share This Post
