കഴക്കൂട്ടം: ഇരുചക്ര വാഹനങ്ങൾ കൂട്ടിയിടിച്ചുണ്ടായ അപകടത്തിൽ റിട്ട. കെ.എസ്. ഇ.ബി ഉദ്യോഗസ്ഥൻ മരിച്ചു. സ്കൂട്ടർ ഓടിച്ചിരുന്ന കുളത്തൂർ അരശുംമൂട് തെക്കേവിള ഐശ്വര്യയിൽ റിട്ട. കെ.എസ്.ഇ.ബി സബ് എൻജിനീയർ ആർ. പ്രസാദ് ചന്ദ്രൻ നായർ (73) ആണ് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്നലെ രാവിലെ മരിച്ചത്.
ദേശീയപാതയിൽ കഴക്കൂട്ടം ടെക്നോപാർക്കിനടുത്തെ എലിവേറ്റഡ് ഹൈവേയ്ക്ക് താഴെയുള്ള റോഡിൽ ശനിയാഴ്ച രാത്രി പത്തോടെയാണ് അപകടം. വൺവേയായിരുന്ന പാതയിൽ എതിർദിശയിൽ വന്ന സ്കൂട്ടറും ബുള്ളറ്റുമാണ് കൂട്ടിയിടിച്ചത്. ഗുരുതരമായി പരിക്കേറ്റ പ്രസാദ് ചന്ദ്രനെ പൊലീസെത്തിയാണ് മെഡി.കോളേജിലെത്തിച്ചത്.
ബുള്ളറ്റിൽ സഞ്ചരിച്ചയാൾക്കും പരിക്കുണ്ട് കഴക്കൂട്ടം പൊലീസ് കേസെടുത്തു. ഭാര്യ: കുളത്തൂർ ജി.എച്ച്.എസ്.എസിലെ റിട്ട: അദ്ധ്യാപിക ജി.പി ജയകുമാരി, മക്കൾ: ജിതിൻ ജെ.പ്രസാദ്, മനുപ്രസാദ്, ലക്ഷ്മി.ജെ. മരുമക്കൾ: സജിത എസ്. കൃഷ്ണൻ, ഡോ. ലക്ഷ്മിപ്രിയ. എൽ, മിഥുൻ മധു.
