തിരുവനന്തപുരം: തിരുവനന്തപുരം കഴക്കൂട്ടത്ത് നിന്ന് കാണാതായ 13 കാരിയെ നാട്ടിലെത്തിച്ചു. വിശാഖപട്ടണത്തുനിന്നാണ് കുട്ടിയെ തിരുവനന്തപുരത്തെത്തിച്ചത്. പൊലീൽ നിന്നും കുട്ടിയെ സിഡിബ്ല്യുസി ഏറ്റുവാങ്ങി തൈക്കാട് ശിശുക്ഷേമ സമിതിയിൽ എത്തിച്ചു.
കേരള എക്സ്പ്രസ്സ്‌ ട്രെയിനിലാണ് കുട്ടിയുമായുള്ള സംഘം തിരുവനന്തപുരത്ത് എത്തിയത്. 36 മണിക്കൂറത്തെ തിരച്ചിലിനൊടുവിലാണ് വിശാഖപട്ടണത്തുനിന്ന് കണ്ടെത്തിയത്. കുട്ടി നിലവിൽ സിഡബ്ല്യുസിയുടെ സംരക്ഷണയിലാണ്. തുടര്‍ നടപടികള്‍ തീരുമാനിക്കുന്നതിനായി സിഡബ്ല്യുസി ഇന്ന് പ്രത്യേക സിറ്റിങ് നടത്തും. കുട്ടിയിൽ നിന്ന് വിവരങ്ങള്‍ തേടിയശേഷം രക്ഷിതാക്കളുടെ മൊഴിയും രേഖപ്പെടുത്തും.
അമ്മയുമായി വഴക്കിട്ടാണ് കുട്ടി വീട്ടിൽ നിന്നും ഇറങ്ങി പോയത്. ഈ മാസം ഇരുപതാം തിയ്യതിയായിരുന്നു സംഭവം നടന്നത്. തുടർന്ന് പോലീസിന്റെ ഊർജിതമായ അന്വേഷണത്തിന് ഒടുവിൽ അടുത്ത ദിവസം കുട്ടിയെ വിശാഖപട്ടണത്ത് നിന്ന് കണ്ടെത്തുകയായിരുന്നു.
