തിരുവനന്തപുരം: തിരുവനന്തപുരം പാപ്പനംകോട് തീപ്പിടുത്തം. കേന്ദ്ര പൊതുമേഖലാ സ്ഥാപനമായ ന്യൂ ഇന്ത്യ അഷ്വറൻസ് കമ്പനിയുടെ ഓഫീസിലാണ് തീപ്പിടുത്തം ഉണ്ടായത്.
അപകടത്തിൽ 2 പേർ മരിച്ചു. സ്ഥാപനത്തിലെ ജീവനക്കാരി വൈഷ്‌ണയും ഓഫീസിൽ എത്തിയ മറ്റൊരു സ്ത്രീയുമാണ് മരിച്ചത്. ഇന്ന് ഉച്ചയ്ക്കാനണ് സംഭവം നടന്നത്. പാപ്പനംകോട് ജങ്ഷനിലാണ് കെട്ടിടം സ്ഥിതി ചെയ്യുന്നത്. രണ്ടു നിലകളുള്ള കെട്ടിടത്തിന്റെ മുകളിൽ നിലയിലാണ് ഇൻഷുറൻസ് ഓഫീസ് പ്രവർത്തിച്ചിരുന്നത്. മരിച്ചവരുടെ ശരീരം കത്തിക്കരിഞ്ഞ നിലയിലാണ് ഓഫീസിൽ നിന്ന് കണ്ടെടുത്തത്.
റോഡ‍രികിൽ താഴത്തെ നിലയിൽ സ്ഥാപനങ്ങൾക്ക് ഒന്നും സംഭവിച്ചില്ല. തീ ആളിപ്പടർന്ന ഉടൻ നാട്ടുകാർ രക്ഷാപ്രവർത്തനം നടത്തി. തീ പിടുത്തതിന്റെ കാരണം ഇതുവരെ വ്യക്തമായിട്ടില്ല.
Share This Post
