തിരുവനന്തപുരം: കഞ്ചാവുമായി തിരുവനന്തപുരം കാട്ടാക്കട സ്വദേശിനി പിടിയിൽ. കാട്ടാക്കട പന്നിയോട് സ്വദേശി ലത(47)യെയാണ് വിയ്യൂർ സെൻട്രൽ ജയിലിൻ്റെ പ്രവേശന കവാടത്തിൽ വച്ച് പിടികൂടിയത്.
വിയ്യൂർ സെൻട്രൽ ജയിലിലെ തടവുപുള്ളിയെ കാണാൻ എത്തിയതായിരുന്നു ലത. 80 ഗ്രാം കഞ്ചാവാണ് ഇവരുടെ പക്കൽ നിന്നും കണ്ടെടുത്തത്. ജയിലിൽ കഴിയുന്ന മകന് കൊടുക്കുവാനായി കൊണ്ടുവന്നതാണ് കഞ്ചാവെന്നാണ് പ്രതി പോലീസിന് മൊഴി നൽകിയത്.
ജയിൽ അധികൃതർ നൽകിയ വിവരത്തിന്റെ അടിസ്ഥാനത്തിൽ കോലഴി എക്സൈസ് റേഞ്ച് ഇൻസ്പെക്ടർ നിധിൻ.കെ. വിയും പാർട്ടിയും ചേർന്നാണ് പ്രതിയെ പിടികൂടിയത്.
Share This Post
