കഴക്കൂട്ടം: പള്ളിപ്പുറത്ത് അപകടങ്ങൾ തുടർക്കഥയാകുന്നു. ദേശീയപാതയിൽ പള്ളിപ്പുറത്ത് ഒറ്റദിവസം മുപ്പതിലധികം ബൈക്കും സ്കൂട്ടറും തെന്നി മറിഞ്ഞു നിരവധിപേർക്ക് പരിക്ക്. കണിയാപുരം ആലുംമൂട് പെട്രോൾ പമ്പിന് എതിർവശത്തെ പാതയിലാണ് കഴിഞ്ഞ ദിവസം നിരന്തരം അപകടമുണ്ടായത്.
മഴ പെയ്തതിനെ തുടർന്ന് ദേശീയപാത വികസനത്തിനായി നിരത്തിയ കളിമണ്ണ് റോഡിലേക്ക് ഒലിച്ചിറങ്ങിയതോടെയാണ് രാത്രിയും പകലുമായി ടുവീലറുകൾ തെന്നി മറിയാൻ തുടങ്ങിയത്. വിവരമറിഞ്ഞ് പൊലീസ് എത്തി വാഹനങ്ങൾ പതുക്കെ നിയന്ത്രി വിടുന്നതിനിടയിലും ഒന്നലധികം ടൂവീലറുകൾ മറിഞ്ഞതായും സമീപവാസികൾ പറഞ്ഞു. മഴയത്ത് പ്രതേകിച്ച് ഇതുവഴി വരുന്ന ടൂവീലർ യാത്രക്കാർ ശ്രദ്ധിക്കണമെന്ന് മംഗലപുരം പൊലീസ് പറഞ്ഞു.
Share This Post
