തിരുവനന്തപുരം: 2 മാസത്തെ ക്ഷേമപെൻഷൻ വിതരണം ഈ മാസം 11ാം തീയതി മുതൽ. പെൻഷനുള്ള തുക അനുവദിച്ചുകൊണ്ടുളള്ള ഉത്തരവ് പുറത്തിറങ്ങി. നടപ്പ് മാസത്തെ തുകയും കുടിശിക ഗഡുവിൻ ഒരു ഗഡുവുമാണ് ഓണത്തിന് മുന്നോടിയായി ഇപ്പോൾ വിതരണം ചെയ്യാനൊരുങ്ങുന്നത്.
ഓരോ ഗുണഭോക്താവിനും 3200 രൂപ വീതം ലഭിക്കും. 62 ലക്ഷം പേർക്കാണ് പെൻഷൻ തുക ലഭിക്കുക. ഈ മാസം 11ാം തീയതി മുതൽ പെൻഷൻ വിതരണം ചെയ്ത് തുടങ്ങും. നിലവിൽ വിതരണം തുടരുന്ന ഒരു ഗഡുവിനെ പുറമെയാണ്‌ രണ്ടു ഗഡുകൂടി അനുവദിച്ചത്‌.
1800 കോടി രൂപയാണ് ഇതിനായി വകയിരുത്തുന്നത്. 26.62 ലക്ഷം പേരുടെ ബാങ്ക്‌ അക്കൗണ്ടിലാണ് തുക എത്തുക. മറ്റുള്ളവർക്ക്‌ വീട്ടിലെത്തി പെൻഷൻ കൈമാറും.
Share This Post
