തിരുവനന്തപുരം: വെമ്പായത്ത് ഇരുചക്ര വാഹനയാത്രക്കാരൻ ബസ് കയറിയിറങ്ങി മരിച്ചു. ഇന്ന് ഉച്ചയോടെയാണ് സംഭവം നടന്നത്. വെമ്പായം കൊച്ചാലുംമൂട് പൂഴിക്കുന്നിൽ വീട്ടിൽ ഉണ്ണിയാണ് മരിച്ചത്. 39 വയസായിയിരുന്നു.
വെമ്പായം ഭാഗത്തു നിന്നു വെഞ്ഞാറമൂട് ഭാഗത്തേക്ക്‌ വരികയായിരുന്നു ഉണ്ണി. ഇതിനിടെ എസ് ആർ ടി സി ഇലക്ട്രിക് സ്വിഫ്റ്റ് ബസ് ഉണ്ണിയെ ഓവർ ടേക്ക് ചെയ്തു പോകാൻ ശ്രമിച്ചു. ഇതിനിടെ ഉണ്ണിയുടെ വാഹനത്തിൽ ബസ് തട്ടുകയായിരുന്നു.
തുടർന്ന് നിയന്ത്രണം വിട്ടു റോഡിലേക്ക് വീണ യുവാവിന്റെ തലയിൽ കൂടി ബസ് കയറിയിറങ്ങുകയായിരുന്നു. അപകട സ്ഥലത്ത് വച്ച് തന്നെ യുവാവ് മരണപ്പെട്ടു. മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി. വെഞ്ഞാറമൂട് പോലിസ് മേൽ നടപടികൾ സ്വീകരിച്ചു.
Share This Post
