തിരുവനന്തപുരം: ആറ്റിങ്ങലിൽ നിയന്ത്രണം വിട്ട ഗ്യാസ് പിക്കപ്പ് വാൻ ഇടിച്ച് വൻ അപകടം. ദേശീയപാതയിൽ ആറ്റിങ്ങൽ ആലംകോടിനു സമീപം വച്ചാണ് അപകടം സംഭവിച്ചത്. നിയന്ത്രണം വിട്ട ഗ്യാസ് പിക്കപ്പ് വാൻ കാറിലും ബൈക്കിലും ഇടിച്ച ശേഷം കടയിലേക്ക് ഇടിച്ചു കയറുകയായിരുന്നു.
കൊല്ലം ഭാഗത്ത് നിന്നാണ് ഗ്യാസ് പിക്കപ്പ് വാൻ വന്നത്. പുളിമൂട് എത്തിയപ്പോൾ വാഹനത്തിന്റെ നിയന്ത്രണം നഷ്ടപ്പെട്ടു. തുടർന്ന് എതിർ ദിശയിൽ വന്ന ആൾട്ടോ കാറിൽ ആദ്യം ഇടിച്ചു. ബാലരാമപുരം സ്വദേശിയാണ് കാറിൽ ഉണ്ടായിരുന്നത്. അതിനു ശേഷം മറ്റൊരു ബൈക്കിലും വാഹനം ഇടിക്കുകയായിരുന്നു.
തുടർന്ന് വലതു വശത്തെ കടയിലേക്ക് ഇടിച്ചു കയറി വാഹനം നിൽക്കുകയായിരുന്നു. അപകടത്തിൽ ആരും ഗുരുതരമായ പരിക്കുകൾ ഇല്ലെന്നാണ് റിപ്പോർട്ട്.
Share This Post
