തിരുവനന്തപുരം: തിരുവനന്തപുരം എം സി റോഡിൽ വൻ അപകടം. എം സി റോഡിൽ പുളിമാത്തിൽ നടന്ന അപകടത്തിൽ രണ്ട് യുവാക്കൾക്ക് ദാരുണാന്ത്യം. മിനിലോറിയുടെ പിന്നിൽ സ്കൂട്ടർ ഇടിച്ചാണ് അപകടം സംഭവിച്ചത്. ഇന്ന് പുലർച്ചെ രണ്ടു മണിയോടെയാണ് അപകടം സംഭവിച്ചത്.
സ്കൂട്ടറിൽ യാത്ര ചെയ്തിരുന്ന രഞ്ചു(36), അനി (40) എന്നിവരാണ് മരിച്ചത്. ഇരുവരും പുളിമാത്ത് സ്വദേശികളാണ്. മിനിലോറി റോഡിൻറെ അരികിലായി നിർത്തിയിട്ടിരിക്കുകയായിരുന്നു. കാരേറ്റ് ഭാഗത്ത് നിന്നാണ് സ്കൂട്ടർ വന്നത്.
സ്കൂട്ടറിന്റെ നിയന്ത്രണം നഷ്ടപ്പെട്ട് ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടറിൽ ഉണ്ടായിരുന്ന രണ്ടു പേരും റോഡിലേക്ക് തെറിച്ചു വീണു. അപകടത്തിൽ ഗുരുതരമായി പരിക്കേറ്റ ഇരുവരെയും ഉടൻ തന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Share This Post
