പോത്തൻകോട് : പോത്തൻകോട് കിണറ്റിൽ ചാടിയ യുവാവിനെ രക്ഷിച്ച് ഫയർഫോഴ്സ്. മങ്ങാട്ടുകോണം കടമ്പാട്ടുകോണം ലക്ഷ്മി ഭവനിൽ സുനിൽകുമാർ(49) ആണ് വീട്ടുമുറ്റത്തെ കിണറ്റിൽ ചാടിയത്. കുടുംബ വഴക്കിനെ തുടർന്നായിരുന്നു യുവാവ് കിണറ്റിൽ ചാടിയത്.
ഞായറാഴ്ച രാത്രി 11.55 നാണ് സംഭവം നടന്നത്. സുനിൽകുമാർ മദ്യപിച്ച് വീട്ടിൽ ബഹളമുണ്ടാക്കിയതിനെ തുടർന്ന് ഭാര്യ ജയകുമാരി പോത്തൻകോട് പോലീസിൽ പരാതി നൽകിയിരുന്നു. പരാതിയുടെ അടിസ്ഥാനത്തിൽ പോലീസ് സുനിൽകുമാറിന്റെ വീട്ടിൽ എത്തി. പൊലീസ് വീട്ടിൽ വന്നത് കണ്ടാണ് ഇയാൾ കിണറ്റിൽ ചാടിയത്. ഉടൻ തന്നെ ഇവർ കഴക്കൂട്ടം ഫയർഫോഴ്സിനെ വിവരം അറിയിക്കുകയായിരുന്നു. തുടർന്ന് ഫയർഫോഴ്സ് എത്തിയാണ് ഇയാളെ കരയ്ക്ക് കയറ്റിയത്. അഗ്നിശമനാസേന അംഗങ്ങളായ കൃഷ്ണൻ ഫയർ ആന്റ് റസ്ക്യൂ ഓഫീസർ മുഹമ്മദ് സജിത് എന്നിവർ കിണറ്റിലിറങ്ങി രക്ഷാ പ്രവർത്തനം നടത്തി.
Share This Post
