കഠിനംകുളം: കഠിനംകുളത്ത് വളർത്തു നായയുമായി റൗഡിയുടെ വിളയാട്ടം. കഠിനംകുളം സ്റ്റേഷൻ പരിധിയിലെ ചിറയ്ക്കലാണ് സംഭവം. കഠിനംകുളം പോലീസ് സ്റ്റേഷൻ റൗഡി ആയ ചിറക്കൽ ചരുവിളാകം വീട്ടിൽ കമ്രാൻ എന്ന സമീർ (27) ആണ് വളർത്തുനായയുമായി ആക്രമണം നടത്തിയത്. സംഭവത്തിൽ ഇതര സംസ്ഥാന തൊഴിലാളിയടക്കം രണ്ടുപേർക്ക് കടിയേറ്റു.
ചിറക്കൽ മണക്കാട്ടുവിളാകം സക്കീറിൻ്റെ വീട്ടിനുള്ളിലാണ് ഇയാൾ ആദ്യം നായയുമായി എത്തിയത്. സക്കീറിൻ്റെ വീട്ടിനുള്ളിൽ നായയുമായി അതിക്രമിച്ച് കയറിയപ്പോഴാണ് നായ സക്കീറിനെ കടിച്ചത്.വീട്ടിലെ ഹാളിൽ വച്ചാണ് സക്കീറിനെ നായ കടിച്ചത്. സക്കീർ സമീപത്തെ പുത്തൻതോപ്പ് ഗവർമെൻ്റ് ആശുത്രിയിൽ ചികിത്സ തേടി.
ഇതിനു ശേഷം സമീർ നായയുമായി പോകുന്ന വഴിക്കാണ് ഇതര സംസ്ഥാന തൊഴിലാളി ഒഡീഷ സ്വദേശി അജയിനെയും കടിച്ചത്.ഇരുവരും പിന്നീട് ജനറൽ ആശുപത്രിയിൽ ചികിത്സ തേടി. ഇന്ന് വൈകുന്നേരം നാലുമണിയോടെയാണ് ഇയാൾ പോമറേനിയൻ ഇനത്തിലെ നായയുമായി വിലസിയത്.
