കൊച്ചി: പ്രമുഖ ക്യാൻസർ സ്പെഷ്യലിസ്റ്റ് ഡോ. വി.പി. ഗംഗാധരന് വധഭീഷണി.മുംബൈയിലെ ‘സിറ്റിസണ് ഫോര് ജസ്റ്റിസ്’ എന്ന പേരിലാണ് കത്ത്. 8.25 ലക്ഷം രൂപ ബ്ലഡ് മണിയായി നൽകിയില്ലെങ്കിൽ കുടുംബത്തെ അടക്കം അപായപ്പെടുത്തുമെന്നാണ് കത്തിൽ പറയുന്നത്.
ഡോക്ടര് നല്കിയ പരാതിയുടെ അടിസ്ഥാനത്തില് മരട് പൊലീസ് കേസെടുത്തു. ചികിത്സാപ്പിഴവിൽ പെൺകുട്ടി മരിച്ചുവെന്നും, അമ്മ ആത്മഹത്യ ചെയ്തെന്നുമാണ് കത്തിൽ പറയുന്നത്. ഇതിൽ നീതി തേടി പെൺകുട്ടിയുടെ പിതാവാണ് സംഘടനയെ സമീപിച്ചതെന്നും കത്തിൽ പറയുന്നു.
കത്തിൽ നൽകിയ ക്യുആർ കോഡ് ഉപയോഗിച്ച് 8.25 ലക്ഷം രൂപ ബിറ്റ്കോയിൻ ആയി നൽകമെന്നാണ് ഇവർ ആവശ്യപ്പെടുന്നത്. ഇല്ലാത്ത പക്ഷം ഡോക്റ്ററെയും കുടുംബത്തെയും അപായപ്പെടുത്തുമെന്നും കത്തിൽ വ്യക്തമാക്കുന്നു.
Share This Post
