തൃശൂർ: തൃശൂർ കൊടകരയിൽ പഴയ കെട്ടിടം ഇടിഞ്ഞു വീണ് അപകടം. അപകടത്തില് മരണം മൂന്നായി. പശ്ചിമബംഗാളിലെ മുര്ഷിദാബാദ് സ്വദേശികളായ ആലിം, രൂപേല്, രാഹുല് എന്നിവരാണ് മരണപ്പെട്ടത്. ഇന്ന് രാവിലെയായിരുന്നു അപകടം.
കെട്ടിടത്തിന്റെ അവശിഷ്ടങ്ങള്ക്കിടയില് കുടുങ്ങി കിടന്ന ഇവരുടെ മൃതദേഹങ്ങള് പുറത്തെടുത്തു. 12 പേരാണ് കെട്ടിടത്തിലുണ്ടായിരുന്നത്. 9 പേർ രക്ഷപെടുത്തിയിരുന്നു. ശക്തമായ മഴയിലാണ് കെട്ടിടം തകര്ന്നു വീണത്. വര്ഷങ്ങളായി അതിഥി തൊഴിലാളികള്ക്ക് വാടകയ്ക്ക് കൊടുത്തിരുന്ന കെട്ടിടമാണ് അപകടത്തില്പ്പെട്ടത്.
ചെങ്കല്ലുകൊണ്ട് നിര്മിച്ച ഓട് മേഞ്ഞ ഇരുനില കെട്ടിടമാണ് തകർന്നു വീണത്. 40 വര്ഷത്തോളം പഴക്കമുണ്ട് കെട്ടിടത്തിന്. ഇതര സംസ്ഥാന തൊഴിലാളികൾ ജോലിക്ക് പോകുവാൻ നിൽക്കുമ്പോഴാണ് അപകടം ഉണ്ടായത്. വലിയ ശബ്ദം കേട്ടതിനെ തുടർന്ന് കുറച്ച് പേർ ഓടി രക്ഷപ്പെടുകയായിരുന്നു. ഫയര്ഫോഴ്സും പൊലീസുമൊന്നിച്ചാണ് രക്ഷാപ്രവര്ത്തനം നടത്തിയത്.
